【記者梁御和報道】新購木床及床褥有吸血床蝨及跳蚤，有三個家庭不約而同被咬得「冇覺好瞓」，要求家具公司換貨遭拒。滅蟲專家指出，床蝨及跳蚤可窩藏床褥及木製家具生長，也可經街外引入。近年床蝨由東南亞較落後地方蔓延全球，全球氣候暖化加上香港持續濕熱天氣，有利害蟲滋生，市民須留意家居清潔以避「蟲禍」。

「用手㩒落條蟲有血」

因太太懷孕更換全屋家具的鄧先生 6月在宜家購買一張約 6,000元雙人木床， 9月床框及床褥底出現逾百隻約鉛筆頭般大小的蟲，「用手㩒落條蟲有血出，明顯係吸血床蝨」。他用滅蝨噴霧處理無效，要求宜家換貨被拒，「佢話啲蟲喺外面飛入嚟，唔關佢哋事，但係我未換傢俬前冇咁嘅問題」。鄧家以夾子挑向床縫，一隻隻欖形小蟲四處「逃奔」，令人毛骨悚然。
洪小姐於 9月底購買一張約 3,000元的雅蘭雙人床褥，也發現床蝨，「小朋友都有瞓張床褥，一家五口都被蟲咬到周身痕，要求雅蘭換貨，佢只願意收番張床褥消毒，要搞三日，咁我哋瞓邊？」
遷新居的李小姐於 8月購買一張歐化寶床褥，價值 3,648元，用後皮膚痕癢難耐，近日見有黑色幼蟲及黑點在床褥「跳來跳去」，夾縫位特別多，歐化寶回覆她因貨物出門逾一個月拒絕跟進。
宜家家居回覆，鄧先生至本月才就蟲患聯絡該公司，派員上門檢查未有資料顯示蟲患來自床褥或床架；而蟲患成因眾多，如天氣、環境及衞生等因素可滋生昆蟲，為釋其疑慮會安排換貨。